Más rud é go bhfuil suim agat níos mó a léamh faoi Aerfort Chiarraí, féach ar an leabhar Kerry in the Jet Age (Kerry Airport 1969 – 2009) [Ciarraí in Aois an Scairdeitleáin (Aerfort Chiarraí 1969– 2009)] le Donal Hickey. Tá na léaráidí go hálainn ann, agus é maisithe le híomhánna ón gcartlann. Is féidir é a fháil i Siopa Hallaí Imeachta Aerfort Chiarraí.

Rinneadh Aerfort Chiarraí a chorprú mar chuideachta phoiblí theoranta i mí Iúil 1968 agus an príomhchuspóir a bhí aige ná aerfort a thógáil agus a bhainistiú ag an Fhearann Fuar. Tugadh faoi chláir tiomsaithe scairchaipitil éagsúla agus, i dteannta le cúnamh mór a fuarthas ó chomhlachtaí reachtúla éagsúla síos na blianta, d’fhás an t-aerfort ó cheann a raibh rúidbhealach 1,090 méadar x 23 méadar ann a coimisiúnaíodh i 1969 go ceann a raibh rúidbhealach 1,239mx 30m ann gus a coimisiúnaíodh in 1989 é. Osclaíodh rúidbhealach nua eile de 2,000mx 45m i mí na Bealtaine 1994.

Tugadh eitleán chun talamh ag Aerfort Chiarraí den chéad uair ar an 25 Lúnasa agus ba é an Captaen Milo Carr ón Roinn Iompair & Cumhachta a bhí ina phíolóta air. Bhí roinnt mhaith blianta ann nach raibh ann ach aerárthaigh éadroma phríobháideach a bhí ag úsáid an aeradróim, agus an chorr-eitilt lasta nó cairteitilt a bhí ann ó am go chéile, chomh maith leis an paraisiútáil a rinneadh roinnt mhaith ann. Cuireadh tús leis an gcéad sheirbhís sceidealta ann go hoifigiúil i mí Iúil 1979 le haerárthach oileánach a bhí á oibriú le hAer Árann.
Agus iad lán misnigh mar gheall ar an gcuma rathúil atá bainte amach ag aerfoirt réigiúnacha eile in Éirinn, dhréachtaigh an Bord Stiúrthóirí plean forbartha chun an rúidbhealach a shíneadh agus a leathnú amach le bheith 1,200m x 30m agus chun síneadh agus nuachóiriú a chur le Foirgnimh an Chríochfoirt chomh maith le Córas Tuirlingthe le hIonstraimí agus soilsiú oiriúnach a shuiteáil.